Sri Datta Hrudayam in Telugu - Bhakti Bata

 Sri Datta Hrudayam - శ్రీ దత్త హృదయం

దత్తం సనాతనం నిత్యం నిర్వికల్పం నిరామయమ్ |

హరిం శివం మహాదేవం సర్వభూతోపకారకమ్ || 1 ||

నారాయణం మహావిష్ణుం సర్గస్థిత్యంతకారణమ్ |

నిరాకారం చ సర్వేశం కార్తవీర్యవరప్రదమ్ || 2 ||

అత్రిపుత్రం మహాతేజం మునివంద్యం జనార్దనమ్ |

ద్రాం బీజం వరదం శుద్ధం హ్రీం బీజేన సమన్వితమ్ || 3 ||

త్రిగుణం త్రిగుణాతీతం త్రియామావతిమౌళికమ్ |

రామం రమాపతిం కృష్ణం గోవిందం పీతవాససమ్ || 4 ||

దిగంబరం నాగహారం వ్యాఘ్రచర్మోత్తరీయకమ్ |

భస్మగంధాదిలిప్తాంగం మాయాముక్తం జగత్పతిమ్ || 5 ||

నిర్గుణం చ గుణోపేతం విశ్వవ్యాపినమీశ్వరమ్ |

ధ్యాత్వా దేవం మహాత్మానం విశ్వవంద్యం ప్రభుం గురుమ్ || 6 ||

కిరీటకుండలాభ్యాం చ యుక్తం రాజీవలోచనమ్ |

చంద్రానుజం చంద్రవక్త్రం రుద్రం ఇంద్రాదివందితమ్ || 7 ||

నారాయణ విరూపాక్ష దత్తాత్రేయ నమోస్తు తే |

అనంత కమలాకాంత ఔదుంబరస్థిత ప్రభో || 8 ||

నిరంజన మహాయోగిన్ దత్తాత్రేయ నమోస్తు తే |

మహాబాహో మునిమణే సర్వవిద్యావిశారద || 9 ||

స్థావరం జంగమాత్మానం దత్తాత్రేయ నమోస్తు తే |

ఐంద్ర్యాం పాతు మహావీర్యో వాహ్న్యాం ప్రణవపూర్వకమ్ || 10 ||

యామ్యాం దత్తాత్రిజో రక్షేన్నిరృత్యాం భక్తవత్సలః |

ప్రతీచ్యాం పాతు యోగీశో యోగినాం హృదయే స్థితః || 11 ||

అనిల్యాం వరదః శంభుః కౌబేర్యాం జగతః ప్రభుః |

ఐశాన్యాం పాతు మే రామో ఊర్ధ్వం పాతు మహామునిః || 12 ||

షడక్షరో మహామంత్రః పాత్వధస్తాజ్జగత్పితా |

ఐశ్వర్యపంక్తిదో రక్షేద్యదురాజవరప్రదః || 13 ||

అకారాది క్షకారాంతః సదా రక్షేత్ విభుః స్వయమ్ |

ఆదినాథస్య దత్తస్య హృదయం సర్వకామదమ్ || 14 ||

దత్తం దత్తం పునర్దత్తం యో వదేద్భక్తిసంయుతః |

తస్య పాపాని సర్వాని క్షయం యాంతి న సంశయః || 15 ||

యదిదం పఠతే నిత్యం హృదయం సర్వకామదమ్ |

పిశాచ శాకినీ భూతా డాకినీ కాకినీ తథా || 16 ||

బ్రహ్మరాక్షసవేతాళాక్షోటింగా బాలభూతకః |

గచ్ఛంతి పఠనాదేవ నాత్ర కార్యా విచారణా || 17 ||

అపవర్గప్రదం సాక్షాత్ మనోరథప్రపూరకమ్ |

ఏకవారం ద్వివారం చ త్రివారం చ పఠేన్నరః |

జన్మమృత్యూదధిం తీర్థ్వా సుఖం ప్రాప్నోతి భక్తిమాన్ || 18 ||

ఇతి శ్రీ దత్త హృదయమ్ ||