Lingashtakam in Telugu

 Lingashtakam in Telugu

లింగాష్టకం

బ్రహ్మమురారిసురార్చిత లింగం

నిర్మలభాసితశోభిత లింగమ్ |

జన్మజదుఃఖవినాశక లింగం

తత్ప్రణమామి సదా శివ లింగమ్ || 1 ||

దేవమునిప్రవరార్చిత లింగం

కామదహం కరుణాకర లింగమ్ |

రావణదర్పవినాశన లింగం

తత్ప్రణమామి సదా శివ లింగమ్ || 2 ||

సర్వసుగంధసులేపిత లింగం

బుద్ధివివర్ధనకారణ లింగమ్ |

సిద్ధసురాసురవందిత లింగం

తత్ప్రణమామి సదా శివ లింగమ్ || 3 ||

కనకమహామణిభూషిత లింగం

ఫణిపతివేష్టితశోభిత లింగమ్ |

దక్షసుయజ్ఞవినాశన లింగం

తత్ప్రణమామి సదా శివ లింగమ్ || 4 ||

కుంకుమచందనలేపిత లింగం

పంకజహారసుశోభిత లింగమ్ |

సంచితపాపవినాశన లింగం

తత్ప్రణమామి సదా శివ లింగమ్ || 5 ||

దేవగణార్చితసేవిత లింగం

భావైర్భక్తిభిరేవ చ లింగమ్ |

దినకరకోటిప్రభాకర లింగం

తత్ప్రణమామి సదా శివ లింగమ్ || 6 ||

అష్టదళోపరివేష్టిత లింగం

సర్వసముద్భవకారణ లింగమ్ |

అష్టదరిద్రవినాశన లింగం

తత్ప్రణమామి సదా శివ లింగమ్ || 7 ||

సురగురుసురవరపూజిత లింగం

సురవనపుష్పసదార్చిత లింగమ్ |

పరాత్పరం పరమాత్మక లింగం

తత్ప్రణమామి సదా శివ లింగమ్ || 8 ||

లింగాష్టకమిదం పుణ్యం యః పఠేచ్ఛివసన్నిధౌ |

శివలోకమవాప్నోతి శివేన సహ మోదతే ||