Subramanya Ashtakam in Telugu

 Subramanya Ashtakam in Telugu

శ్రీ సుబ్రహ్మణ్య అష్టకం

హే స్వామినాథ కరుణాకర దీనబంధో

శ్రీపార్వతీశముఖపంకజపద్మబంధో |

శ్రీశాదిదేవగణపూజితపాదపద్మ

వల్లీశనాథ మమ దేహి కరావలంబమ్ || 1 ||

దేవాదిదేవసుత దేవగణాధినాథ

దేవేంద్రవంద్య మృదుపంకజమంజుపాద |

దేవర్షినారదమునీంద్రసుగీతకీర్తే

వల్లీశనాథ మమ దేహి కరావలంబమ్ || 2 ||

నిత్యాన్నదాననిరతాఖిలరోగహారిన్

తస్మాత్ప్రదానపరిపూరితభక్తకామ |

శ్రుత్యాగమప్రణవవాచ్యనిజస్వరూప

వల్లీశనాథ మమ దేహి కరావలంబమ్ || 3 ||

క్రౌంచాసురేంద్రపరిఖండనశక్తిశూల-

-పాశాదిశస్త్రపరిమండితదివ్యపాణే |

శ్రీకుండలీశధరతుండశిఖీంద్రవాహ

వల్లీశనాథ మమ దేహి కరావలంబమ్ || 4 ||

దేవాదిదేవ రథమండలమధ్యవేద్య

దేవేంద్రపీఠనగరం దృఢచాపహస్తమ్ |

శూరం నిహత్య సురకోటిభిరీడ్యమాన

వల్లీశనాథ మమ దేహి కరావలంబమ్ || 5 ||

హీరాదిరత్నమణియుక్తకిరీటహార

కేయూరకుండలలసత్కవచాభిరామమ్ |

హే వీర తారక జయాఽమరబృందవంద్య

వల్లీశనాథ మమ దేహి కరావలంబమ్ || 6 ||

పంచాక్షరాదిమనుమంత్రితగాంగతోయైః

పంచామృతైః ప్రముదితేంద్రముఖైర్మునీంద్రైః |

పట్టాభిషిక్త హరియుక్త పరాసనాథ

వల్లీశనాథ మమ దేహి కరావలంబమ్ || 7 ||

శ్రీకార్తికేయ కరుణామృతపూర్ణదృష్ట్యా

కామాదిరోగకలుషీకృతదుష్టచిత్తమ్ |

సిక్త్వా తు మామవకళాధర కాంతికాంత్యా

వల్లీశనాథ మమ దేహి కరావలంబమ్ || 8 ||

సుబ్రహ్మణ్యాష్టకం పుణ్యం యే పఠన్తి ద్విజోత్తమాః |

తే సర్వే ముక్తిమాయాంతి సుబ్రహ్మణ్య ప్రసాదతః || 9 ||

సుబ్రహ్మణ్యాష్టకమిదం ప్రాతరుత్థాయ యః పఠేత్ |

కోటిజన్మకృతం పాపం తత్‍క్షణాదేవ నశ్యతి || 10 ||

ఇతి శ్రీ సుబ్రహ్మణ్యాష్టకమ్ |